Menntun er lausnin, allir í skóla !!!!

Af hverju er alltaf sagt að menntun sé lausnin og að fara í skóla leysi öll vandarmál í framtíðinni. Auðvita er menntun góð en þetta ofmetið sem einhver lausn fyrir alla.

Það eru ekki allir sem vilja ganga menntaveginn eða vita hvað þeir vilja gera þegar þeir eru 16-24 ára. Ég upplifi umræðuna á Íslandi þannig að ef þú gengur ekki menntaveginn, þá verður ekkert úr þér, þessi umræða þarf að fara á hærra plan.

Þessi menntadýrkun hefur skapað ákveðna stéttaskiptingu í þjóðfélaginu. Fjölmiðlar og þeirra viðmælendur tala oft niðrandi um svæði eða hópa sem eru með hátt hlutfall af ómenntuðum einstaklingum og vilja oft benda á það sem rót vandans og lausnin sé fólgin í því að skapa hátekju störf á svæðinu og/eða skapa farveg til að þessir ómenntuðu einstaklingar geti menntað sig til að leysa þau atvinnu- og/eða fjárhagsvandarmál sem þar eru.

Það þarf auðvita að vera fjölbreyttni í atvinnulífinu en það má ekki verða til þess að talað sé niður til þeirra sem eru "lægra" settir í menntunarstiganum. Menntun er góð ef að hún er sótt á réttum forsendum en við þurfum að fara að endurskoða hvernig við erum að framreiða þessa umræðu um þörf fyrir menntun í samfélaginu.

Í þjóðfélaginu okkar er gríðalega pressa á unga sem aldna í að mennta sig og við erum líka nokkuð gjörn á að stéttaskipta okkur eftir menntun og þetta blasir við okkur í launaumslaginu.

Það eru öll störf jafn mikilvæg og við þurfum að fara að meta þau þannig. Það gengur ekki að starfsfólk sem t.d. hefur unnið við sama starf í 10 ár fái 100.000 þús. kr. lægri laun vegna þess að hann/hún er án menntunnar.

Það geta auðvita ekki allir fengið það sama, sumir eru og verða alltaf með hærri laun en aðrir. Ég fagna því að sem flestir mennti sig en við þurfum að meta reynslu meira en við gerum í dag. 

Menntun er ekki betri en reynsla, menntun er tegund af reynslu sem þú getur alveg eins sótt á vinnumarkaðinum ef að þú hefur rétt tæki og tól við hendurnar. 

Menntun er góð en hún gerir okkur ekki að betri einstaklingum eða leysir öll vandarmál okkar. Við að sjálfsögðu verðum víðsýnni og þekking okkar eykst en þú þarft ekki að ganga menntaveginn til þess, það eru til fullt af öðrum leiðum til þess.

Með vinsemd og virðingu
SólMáni

Athugasemdir

[H.T. Bjarnason (IP-tala skráð) 23.11.2010 kl. 11:47]

Í efnahagskerfi 21. aldar munu framfarir eiga sér fyrst og fremst stað á þeim sviðum þar sem menntunar er krafist.  Svo einfalt er það.

[Pétur Rúðrik Guðmundsson, 23.11.2010 kl. 13:15]

Ég er sammála að menntun er mikilvæg en enga síður þarf að skilgreina orðið framfarir, ekki viljum við fá efnahagskerfi sem hrynur á 20 ára fresti. Punkturinn minn er þessi, menntun er ekkert annað en reynsla og af hverju metum við t.d. 4 ára háskólanám meira en 10 ára starfsreynsla í sama fagi. Einnig er ég að benda á þá stéttaskiptingu sem við höfum búið til í okkar samfélagi út frá menntun og hvernig litið er niður á ýmis störf sem að menntun er ekki í hávegum höfð.

Með vinsemd og virðingu